İDMAN


“Tata Steel Masters-2019”: Şəhriyar Məmmədyarov və Teymur Rəcəbov çempionlarla üz-üzə

Bakı, 10 yanvar, AZƏRTAC 

Yanvarın 11-də Hollandiyanın Veyk-an-Zee şəhərində şahmat üzrə ənənəvi “Tata Steel Masters-2019” turniri start götürəcək.

AZƏRTAC xəbər verir ki, 81-ci dəfə keçiriləcək turnirdə ölkəmizi Şəhriyar Məmmədyarov (2817) və Teymur Rəcəbov (2757) təmsil edəcəklər. Turnirdə, həmçinin hazırkı dünya çempionu, norveçli Maqnus Karlsen (2835), sabiq çempionlar Vişvanatan Anand (2773) və Vladimir Kramnik (2777), ev sahibi Aniş Giri (2783) və ötən ilin ən yaxşı çıxış edən çinli Dinq Liren (2813) də mübarizə aparacaqlar.

İsveçrə sistemi üzrə 14 turdan ibarət keçiriləcək turnirin 12 turu Veyk-An-Zeedə təşkil olunacaq. Beşinci turun partiyaları Alkmar, 10-cu turun qarşılaşmaları isə Leyden şəhərlərində oynanılacaq.

Festival çərçivəsində əsas (“Masters”) turnirlə yanaşı, “Challengers” yarışları da keçiriləcək.

Xatırladaq ki, Teymur Rəcəbov 2007-ci ildə Veyk-an-Zee turnirinin qalibi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.