İQTİSADİYYAT


“Tax free” xarici vətəndaşın aldığı mallara görə ödənilmiş ƏDV-nin geri qaytarılması mexanizmini əhatə edir

Bakı, 24 iyun, AZƏRTAC 

“Tax free” xarici vətəndaşlar tərəfindən respublika ərazisində fərdi istehlak üçün alınmış mallara görə ödənilmiş ƏDV-nin geri qaytarılması mexanizmini əhatə edir.

Vergilər Nazirliyinin Media və kommunikasiya mərkəzindən AZƏRTAC-a bildirilib ki, alıcı tərəfindən pasport və ya digər sərhədkeçmə sənədi təqdim edildikdən sonra satıcı müvafiq məlumatları özündə əks etdirən “e-VHF”ni Azərbaycan Respublikasının Vergilər Nazirliyinin İnternet Vergi İdarəsi portalında elektron vergi-hesab faktura sistemi vasitəsilə tərtib edir və həmin məlumatları real vaxt rejimində vahid məlumat bazasına ötürür. “E-VHF” ştrix-kod əks olunmaqla iki nüsxədə çap edilir və hər iki nüsxə alıcıya təqdim olunur. “E-VHF” satıcının imzası və mərkəzində bu əməliyyatların ƏDV-nin qaytarılması şərti ilə həyata keçirildiyinə dair təsdiqedici qeyd (“Tax Free”) olan möhürlə təsdiqlənməklə təqdim olunur.

“E-VHF”in vahid forması, Azərbaycan Respublikası Vergi Məcəlləsinin 176.2-1-ci maddəsinə əsasən, Azərbaycan Respublikasının Nazirlər Kabineti tərəfindən təsdiq edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.