REGİONLAR


Taxıl sahələrinin 45,7 faizində biçin başa çatıb - operativ məlumat

Bakı, 23 iyun, AZƏRTAC

Azərbaycanda taxıl sahələrinin 45,7 faizində biçin başa çatıb.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, iyunun 23-nə olan operativ məlumata görə, 461907 hektar sahədən 1455342,8 ton taxıl yığılıb. Taxıl üzrə orta məhsuldarlıq 31,5 sent/ha, o cümlədən buğda üzrə 33,3 sent/ha, arpa üzrə isə 30,4 sent/ha təşkil edir.

Bu il Azərbaycanda 369 min hektardan çox sahədə arpa əkilib. Bu günədək arpa sahələrinin 76 faizində biçin yekunlaşıb. Sahələrdən 860968,2 ton arpa yığılıb. Artıq 22 rayonda arpa sahələrinin 95 faizindən çoxu biçilib.

Sahələrdə buğda biçini sürətlə davam etməkdədir. Bu günədək 178681,8 hektar sahədə buğda biçini aparılıb, sahələrdən 594374,6 ton buğda yığılıb.

Biçin prosesində 1671 kombayn iştirak edir. Bunlardan 611-i "Aqrolizinq" ASC-nin yerli bölmələrində olan kombaynlardır. "Aqrolizinq" tərəfindən digər rayonlardan aktiv biçin gedən bölgələrə əlavə olaraq 142 kombayn dislokasiya edilib. Biçin prosesinə hüquqi və fiziki şəxslərin mülkiyyətində olan 918 kombayn da cəlb olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.