İDMAN


Tbilisi basketbol üzrə Avropa çempionatına ev sahibliyi edəcək

Tbilisi, 24 yanvar, AZƏRTAC

Tbilisi Avropanın üç şəhəri ilə birlikdə basketbol üzrə Avropa çempionatına ev sahibliyi edəcək.

AZƏRTAC xəbər verir ki, bunu Gürcüstanın Baş naziri İrakli Qaribaşvili hökumətin bugünkü iclasında deyib.

Baş nazir bildirib ki, 2022-ci il sentyabrın 1-dən 18-dək basketbol üzrə Avropa çempionatı keçiriləcək. Tbilisi Avropanın üç şəhəri - Köln, Praqa və Milan ilə birlikdə bu yarışa ev sahibliyi edəcək. Avropa çempionatının A qrupunun oyunları Tbilisidə keçiriləcək. Bu qrupda Gürcüstan yığması ilə yanaşı, İspaniya, Rusiya, Türkiyə, Belçika və Bolqarıstan komandaları da çıxış edəcəklər.

İ.Qaribaşvili deyib: “Çempionata hazırlıq işləri fəal şəkildə aparılır. İşlər Gürcüstan hökumətinin dəstəyi ilə bu ilin yayında başa çatdırılacaq. Avropa çempionatının keçirilməsi üçün paytaxtda Avropa standartlarına uyğun yeni idman sarayı tikilir”.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.