DÜNYA


Tbilisidə retro avtomobillərin rallisi keçirilir

Tbilisi, 2 oktyabr, AZƏRTAC

Tbilisidə ötən əsrin əvvəllərində dünyanın ayrı-ayrı ölkələrində istehsal olunmuş müxtəlif model unikal, klassik avtomobillərin rallisi keçirilir.

AZƏRTAC xəbər verir ki, yarışda 35 retro avtomobil iştirak edir. Ən “yaşlı” avtomobil 1922-ci ildə istehsal olunmuş “Vauxhall 30/98” markalı minik maşınıdır. Ən “gənc” avtomobil isə 1951-ci ildə istehsal edilmiş “Jaguar Mark V Dropead Coupe” avtomobilidir.

Doqquz ölkədən gəlmiş 60 iştirakçı-iş adamı oktyabrın 2-də Tbilisinin mərkəzindən Vardziya şəhərinə yola düşüb.

Oktyabrın 3-də onlar Vardziyadan Barjomi, Tsxaltubo və yüksək dağ yamacında yerləşən Uşquli kəndindən keçməklə Mestiyaya gedəcək, sonra isə yenidən Tbilisiyə qayıdacaqlar.

Oktyabrın 9-da iştirakçılar yenidən Tbilisinin mərkəzindən Kaxeti istiqamətində hərəkətə başlayacaqlar. Onlar Sqinaxi və Kazbeqi şəhərlərini, Lapota gölünü dolandıqdan sonra Tbilisiyə qayıdacaqlar.

İştirakçılar oktyabrın 14-dək ümumilikdə 2500 kilometrdən çox məsafə qət edəcəklər.

Rallidə bir azərbaycanlı iş adamı da var.

Yarış SilikNet, TBC bank, Tsikolia, Gulf və digər şirkətlər tərəfindən təşkil olunub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.