ELM VƏ TƏHSİL


Təcrübə-Sənaye Zavodunda yüksək keyfiyyətli və müxtəlif kateqoriyalı hidravlika yağları istehsal edilir

Bakı, 18 noyabr, AZƏRTAC

Yüksək təzyiq altında işləyən hidravlik sistemlərin yağlanması üçün istifadə olunan hidravlika yağları aviasiya texnikası, yerüstü və dəniz nəqliyyatında geniş tətbiq olunur. Bu yağlar yüksək gərginlikdə və kəskin temperatur dəyişməsində işləyən tikinti maşınlarının, yol-tikinti texnikasının, qaldırıcı qurğuların və sənaye avadanlığının hidravlik sistemlərinin yağlanması üçün istifadə edilir. Onlar yuxarı kinematik özlülüyə, eləcə də yeyilməyə qarşı davamlı xüsusiyyətlərə malikdir.

AMEA Yüksək Texnologiyalar Parkının (YT Park) rezidenti olan Təcrübə-Sənaye Zavodunda hidravlika yağlarının istehsalı ilə bağlı bütün zəruri maddi-texniki baza mövcuddur.

YT Parkdan AZƏRTAC-a bildirilib ki, burada özlülük sinfinə və istifadə şərtlərinə əsasən müəyyən edilən Hydraulic HPL 15, 22, 32, 46, 68, 100, 150 və s. istismar qrupları üzrə yüksək keyfiyyətli hidravlika yağları istehsal edilir.

Zavodda hidravlika yağlarının istehsalı zamanı ətraf mühitin qorunması, əhalinin sağlamlığı, ekoloji təhlükəsizliyin təmini və s. kimi tələblərə ciddi riayət olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.