CƏMİYYƏT


“Təhlükəsiz yol, yaxşı yol” layihəsi çərçivəsində növbəti görüş keçirilib

Bakı, 5 fevral, AZƏRTAC

Azərbaycan Respublikası Gənclər Fondunun dəstəyi, “Gənclərin Dostluq Şəbəkəsi” İctimai Birliyinin təşkilatçılığı ilə reallaşdırılan “Təhlükəsiz yol, yaxşı yol” layihəsi çərçivəsində Binəqədi rayon Gənclər evində keçirilən tədbirin ekspert qismində növbəti qonağı Bakı Şəhər Dövlət Yol Polisi İdarəsinin bölmə rəisi, polkovnik Vaqif Əsədov olub.

İctimai Birlikdən AZƏRTAC-a bildiriblər ki, polkovnik Vaqif Əsədov gənclərlə görüşdə yollarda təhlükəsizliyin təmin edilməsində belə layihələrin həyata keçirilməsinin önəmini vurğulayıb. Diqqətə çatdırıb ki, bu istiqamətdə təkcə Dövlət Yol Polisi əməkdaşları deyil, vətəndaş cəmiyyətinin ən fəal təbəqəsini təşkil edən gənclər və gənclər təşkilatları da fəallıq göstərməlidirlər. Bu sahədə uğur qazanmaq üçün hər bir hərəkət iştirakçısı əlindən gələni etməlidir.

Sonra V.Əsədov gənclərin suallarını cavablandırıb.

“Təhlükəsiz yol, yaxşı yol” layihəsinin təlimçisi Xalidşah Səlimov bildirib ki, layihə çərçivəsində, həmçinin şəhər nəqliyyatında, yollarda ictimai davranış qaydaları, təhlükəsiz gənc sürücü, dönmə əməliyyatı, icazə verilən maksimum sürət həddi, nizamlayıcının göstərişləri, qəza nişanları, minik avtomobillərinin idarə olunması və s. mövzularda qeyri–formal təhsil metodundan istifadə olunaraq təlimlər keçirilir.

Layihənin icrası fevralın sonunda başa çatdırılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.