DÜNYA


Tehranda “Terrora qarşı mübarizə” adlı konfrans işə başlayıb

Tehran, 8 dekabr AZƏRTAC

Bu gün Tehranda Rusiya, Türkiyə, Çin, Əfqanıstan, Pakistan və İran parlamentlərinin sədrlərinin iştirakı ilə “Terrora qarşı mübarizə” adlı ikinci konfrans işə başlayıb.

AZƏRTAC xəbər verir ki, konfransın açılışında İran Prezidenti Həsən Ruhani çıxış edərək terrora qarşı mübarizədə birgə səylərin zəruriliyini vurğulayıb. Bildirib ki, region dövlətləri səylərini birləşdirməsə terror təşkilatları asanlıqla ölkələrin ərazisinə girərək mənfi fəaliyyətə başlayacaqlar. Nə qədər ki, gec deyil, birgə fəaliyyətə başlamaq lazımdır.

Konfransda adı çəkilən dövlətlərin parlament sədrlərinin məruzələri dinləniləcək və müzakirələr aparılacaq. Spikerlər terrora qarşı mübarizə istiqamətində birgə strategiyanın müəyyənləşdirilməsi üzərində iş aparacaqlar.

Xatırladaq ki, birinci konfrans yuxarıda adı çəkilən 6 ölkənin parlament sədrlərinin iştirakı ilə ötən il İslamabadda keçirilib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.