DÜNYA


Tehranda əlverişsiz hava şəraiti məktəblərin fəaliyyətini dayandırıb

Bakı, 9 may, AZƏRTAC

İranın paytaxtı Tehranda havanın çirkliliyinin 201 mikroqram/kubmetr səviyyəsinə yüksəlməsi səbəbindən uşaq bağçaları, ibtidai məktəblər və əlillər üçün özəl məktəblərin fəaliyyəti dayandırılıb.

AZƏRTAC “Haberqlobal”a istinadla xəbər verir ki, Tehran merinin müavini Abid Mələki qeyri-sabit hava şəraiti və havanın çirklənməsinin kritik səviyyəsinə görə ölkədə fövqəladə vəziyyət elan olunduğunu deyib. Mələki əlverişsiz hava şəraitinə görə uşaq bağçaları, ibtidai məktəblər və əlillər üçün xüsusi məktəblərin bağlandığını bildirib.

Yaşlılara və xroniki xəstəliyi olanlara məcbur olmadıqca çölə çıxmamaları barədə xəbərdarlıq edilib.

Qeyd edək ki, Tehran dünya şəhərləri arasında havanın çirklənməsi reytinqində 12-ci yerdədir. Şəhərin hava sirkulyasiyası üçün yararsız yerləşməsi, nəqliyyatın sıxlığı, köhnə maşınlar və çox istifadə edilən motosikletlərdən çıxan işlənmiş qazlar Tehranda havanın çirklənməsini artıran amillərdən hesab edilir. Tehran sakinləri də şəhərdəki havanın çirklənməsindən əziyyət çəkirlər. Onlar nə vaxtsa bu problemin həll olunacağını gözləyirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.