Təhsil İnstitutunun İnsan resursları mərkəzinin yeni “Çağrı xidməti” istifadəyə verilib

Bakı, 1 oktyabr, AZƏRTAC

Vətəndaşlara daha operativ və keyfiyyətli xidmət göstərilməsi üçün Təhsil İnstitutunun İnsan resursları mərkəzinin yeni “Çağrı xidməti” (146-5) istifadəyə verilib.

Təhsil Nazirliyindən AZƏRTAC-a bildirilib ki, mərkəzlə əlaqə saxlamaq üçün vətəndaşlar nazirliyin 146 nömrəsinə zəng edərək müvafiq dil seçdikdən sonra 5 düyməsini sıxmalıdırlar.

“Çağrı xidməti” vasitəsilə vətəndaşlar İnsan resursları mərkəzinin fəaliyyət istiqamətlərinə uyğun sual və müraciətlərini ünvanlaya, ətraflı məlumat əldə edə bilərlər.

Qeyd edək ki, Mərkəzin “Çağrı xidməti” həftəiçi beş gün (bazar ertəsi – cümə günləri) saat 09:00-dan 18:00-dək xidmət göstərəcək.