ELM VƏ TƏHSİL


Təhsil İnstitutunun mentorluq proqramına namizədlərin seçimi başa çatıb

Bakı, 8 iyun, AZƏRTAC

Təhsil İnstitutu tədqiqat mentorluq proqramının icrasına başlayıb. Proqramın məqsədi mövcud tədqiqat potensialının gücləndirilməsi və ölkədə keyfiyyətli tədqiqatların sayının artırılmasıdır.

İnstitutdan AZƏRTAC-a bildirilib ki, 6 ay (iyun-dekabr) davam edəcək proqram üçün tədqiqat mentorlarının və mentilərin (mentorun tələbəsi) seçimi başa çatıb. Mentorluq üçün 379 və mentilik üçün 243 nəfər olmaqla ümumilikdə 622 namizədin müraciəti qeydə alınıb. Namizədlərdən proqramın müsahibə mərhələsinə 35 nəfər mentorluq, 63 nəfər isə mentilik üçün dəvət olunub. Müsahibələrin qiymətləndirilməsi zamanı proqramda iştirak üçün 23 mentor və 46 menti seçilib.

Tədqiqat mentorluq proqramına həm ölkə daxilində, həm də xarici ölkələrdə təhsil alan və çalışan həmyerlilərimiz böyük maraq göstəriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.