ELM VƏ TƏHSİL


Təhsil Nazirliyi dövlət-özəl sektor tərəfdaşlığı modeli əsasında müvafiq qurumlarla əməkdaşlıq edir

Bakı, 13 fevral, AZƏRTAC

Təhsil Nazirliyi Asiya İnkişaf Bankının dəstəyi ilə dövlət-özəl sektor tərəfdaşlığı (DÖST) modeli əsasında iki ali təhsil müəssisəsində tələbə yataqxanalarının tikintisi layihəsi üzrə müvafiq qurumlarla əməkdaşlıq edir.

Nazirlikdən AZƏRTAC-a bildiriblər ki, layihənin hazırlıq mərhələsinə cavabdeh olan “KPMG Azərbaycan” şirkəti tərəfindən Təhsil, İqtisadiyyat nazirlikləri, Kiçik və Orta Biznesin İnkişafı Agentliyi və digər aidiyyəti qurumların iştirakı ilə ilkin texniki iqtisadi əsaslandırmanın təqdimatı keçirilib.

Layihə Bakı Dövlət Universiteti və Azərbaycan Dövlət Neft və Sənaye Universiteti üçün DÖST modeli əsasında tələbə yataqxana obyektinin layihələndirilməsi, inşası, istismarı və idarəedilməsi konsepsiyasının hazırlanması məqsədinə xidmət edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.