ELM VƏ TƏHSİL


Təhsil nazirinin müavini: Azərbaycanda təhsil sistemində 145 mindən çox müəllim çalışır

Bakı, 4 oktyabr, Həsrət Mahmudova, AZƏRTAC

Azərbaycanda təhsil sistemində 145 mindən çox müəllim çalışır. Təkcə bu il müəllimlik ixtisası üzrə keçirilmiş mərkəzləşdirilmiş imtahanda iştirak etmək üçün 51 mindən çox müraciət qeydə alınıb. Onlardan 4083-ü yüksək nəticə göstərərək daimi əsaslarla müəllim vəzifəsinə qəbul olunub.

AZƏRTAC xəbər verir ki, bunu təhsil nazirinin müavini, Bakı Şəhəri üzrə Təhsil İdarəsinin müdiri vəzifəsini icra edən Məhəbbət Vəliyeva oktyabrın 4-də jurnalistlərə müsahibəsində deyib.

M.Vəliyeva qeyd edib ki, 2 mindən çox müəllim bu tədris ilində müddətli müqavilə əsasında məktəblərdə işləyir. Bu il universitetlərin pedaqoji ixtisaslarına 2 min 90 tələbə 500-dən yuxarı bal toplayaraq qəbul olub. Bunun özü bir daha müəllimlik peşəsinə artan marağın göstəricisidir. Bu da təsadüfi deyil. Çünki hər il ölkəmizdə yeni-yeni məktəb binaları tikilir, əsaslı təmir olunur, müasir tələblərə cavab verən maddi-texniki baza yaradılır. Bütün bunlar ölkəmizdə həyata keçirilən təhsil siyasətinin real nəticələridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.