ELM VƏ TƏHSİL


Təhsildə Keyfiyyət Təminatı Agentliyi ADPU-nun Şəki filialında təlimlər keçirəcək

Bakı, 5 oktyabr, AZƏRTAC

Təhsildə Keyfiyyət Təminatı Agentliyi (TKTA) və Azərbaycan Dövlət Pedaqoji Universitetinin (ADPU) Şəki filialı arasında təlim xidmətlərinin göstərilməsinə dair əməkdaşlıq müqaviləsi imzalanıb.

Agentlikdən AZƏRTAC-a bildirilib ki, müqavilənin şərtlərinə əsasən, Təlim və metodologiya şöbəsinin peşəkar ekspertləri tərəfindən təlim xidmətlərinin göstərilməsi nəzərdə tutulub.

Təlimlərin əsas məqsədi ADPU-nun Şəki filialının inzibati və akademik heyətinə səmərəli daxili keyfiyyət təminatı sisteminin qurulması ilə bağlı dəstək verməkdir.

Qeyd edək ki, daxili və xarici keyfiyyət təminatı istiqamətində təlimlər keçirmək, eləcə də metodoloji dəstək xidmətləri göstərmək TKTA-nın əsas fəaliyyət istiqamətlərindən biridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.