ELM VƏ TƏHSİL


Təhsildə Keyfiyyət Təminatı Agentliyi elektron ərizə sisteminə yeni funksiya əlavə edib

Bakı, 22 sentyabr, AZƏRTAC

Təhsildə Keyfiyyət Təminatı Agentliyi xarici diplomların tanınması çərçivəsində vətəndaşlara göstərilən xidmət səviyyəsinin artırılması məqsədilə elektron ərizə sisteminə yeni funksiya əlavə edib.

Agentlikdən AZƏRTAC-a bildirilib ki, vətəndaş müraciətlərinin qəbulu üçün elektron ərizə sistemində (apply.enic.edu.az) ismarış qutusu yaradılaraq istifadəyə verilib. Məqsəd vətəndaşlar tərəfindən agentliyə sorğu göndərilməsini asanlaşdırmaq və operativ qaydada cavablandırmaqdır.

Elektron ərizə sistemində xarici diplomlarının tanınması məqsədilə qeydiyyatdan keçib-keçməməsindən asılı olmayaraq, hər bir vətəndaş ismarış qutusundan istifadə etməklə öz müraciətini agentliyə ünvanlaya bilər. Yaradılmış funksiya müraciətin növünü və mövzusunu seçməklə, vətəndaşlara xarici diplomların tanınması ilə bağlı suallarını, şikayətlərini və ya təkliflərini agentliyə bildirmək imkanı təqdim edir.

Müraciət edilən zaman vətəndaşlardan aktiv elektron poçt ünvanı və əlaqə nömrəsi istənilir ki, bu da daxil olan müraciətlərin təhlili zamanı zərurət yarandığı halda agentliyin əməkdaşlarına müraciət sahibi ilə yerində əlaqə yaratmağa imkan verəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.