ELM VƏ TƏHSİL


Təhsildə keyfiyyət Təminatı Agentliyi ilə Bakı Texniki Kolleci arasında əməkdaşlıq müqaviləsi imzalanıb

Bakı, 10 may, AZƏRTAC

Təhsildə keyfiyyət Təminatı Agentliyi (TKTA) ilə Azərbaycan Texniki Universiteti nəzdində fəaliyyət göstərən Bakı Texniki Kolleci arasında təlim xidmətinin göstərilməsinə dair əməkdaşlıq müqaviləsi imzalanıb.

Bu barədə AZƏRTAC-a TKTA-dan məlumat verilib. Bildirilib ki, müqaviləyə əsasən TKTA-nın peşəkar ekspertləri tərəfindən Bakı Texniki Kollecinin əməkdaşlarına keyfiyyət təminatına dair təlimlər keçirilməsi nəzərdə tutulur. Təlimlərin əsas məqsədi kollecin pedaqoji və inzibati heyətinə daxili keyfiyyət təminatı sisteminə dair geniş məlumat verməkdir.

Qeyd edək ki, təhsil müəssisələrində daxili keyfiyyət təminatı sistemlərinin qurulması və inkişaf etdirilməsi ilə bağlı məsləhət və metodiki dəstək xidmətləri təşkil etmək, eləcə də təhsil müəssisələrinin akkreditasiyasının həyata keçirilməsi üçün tövsiyələr hazırlamaq və təlimlər təşkil etmək TKTA-nın fəaliyyət istiqamətlərindən biridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.