ELM VƏ TƏHSİL


Tələbələr Mikrobiologiya İnstitutunda aparılan elmi-tədqiqat işləri ilə tanış olublar

Bakı, 11 oktyabr, AZƏRTAC 

Azərbaycan Dövlət Neft və Sənaye Universitetinin (ADNSU) biotibbi texnologiyalar mühəndisliyi üzrə ixtisaslaşan tələbələri AMEA-nın Mikrobiologiya İnstitutunda olublar.

İnstitutdan AZƏRTAC-a bildirilib ki, məqsəd gənclərin elmi potensialının yüksəldilməsi və gələcək üçün savadlı kadrların istiqamətləndirilməsi olub. İnstitutun elmi işlər üzrə direktor müavini, AMEA-nın müxbir üzvü Pənah Muradovla görüşən tələbələrə müəssisənin tarixi, beynəlxalq əlaqələri və mikrobiologiyanın müasir istiqamətlərinə dair aparılan elmi-tədqiqat işləri haqqında məlumat verilib. Bildirilib ki, görüşün keçirilməsində əsas məqsəd AMEA-da elmlə təhsilin vəhdətinin təmin edilməsi, kadr hazırlığı sisteminin müasir standartlara uyğun təkmilləşdirilməsi, həmçinin elmi-tədqiqat işlərinin nəticələrinin tədris prosesində həyata keçirilməsidir.

Sonra tələbələr institutun mikrobioloji biotexnologiya laboratoriyasında aparılan elmi-tədqiqat işləri və müasir iş prinsipi ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.