CƏMİYYƏT


Tələbələr onkoloji xəstəliyi olan uşaqları ziyarət ediblər

Bakı, 22 aprel, AZƏRTAC

Azərbaycan Tibb Universitetinin tələbələri Milli Onkologiya Mərkəzinin Uşaq Onkoloji Klinikasında müalicə olunan uşaqlara baş çəkiblər. Onların təşkil etdiyi xeyriyyə aksiyası zamanı klounun iştirakı ilə əyləncəli tamaşa nümayiş olunub.

Universitetin mətbuat xidmətindən AZƏRTAC-a verilən məlumata görə, xeyriyyə tədbiri zamanı sağlamlıq durumuna görə tamaşanı izləyə bilməyən uşaqların palatası ayrıca ziyarət olunub.

Xəstə uşaqlara müxtəlif hədiyyələr, rəngarəng oyuncaqlar, rəngli kitab və qələmlər təqdim olunub. Tələbələr balacaların maraqlı və əyləncəli vaxt keçirməsinə yardım göstəriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.