CƏMİYYƏT


“Təmiz Binəqədi - Təmiz ideya”

Bakı, 29 yanvar, Samirə Allahverdiyeva, AZƏRTAC

Yeni inkişaf dövrünü yaşayan Azərbaycanda abadlıq-quruculuq işləri sürətlə davam etməkdə, ölkəmiz daha da gözəlləşməkdədir. Azərbaycan - paytaxt Bakı və bölgələrimiz əsl intibah dövrünü yaşayır. Konkret proqramlar əsasında həyata keçirilən genişmiqyaslı abadlıq-quruculuq işləri fonunda ölkəmizdə, o cümlədən Bakıda və onun rayonlarında ən yüksək standartlara cavab verən, göz oxşayan binalar, obyektlər inşa olunmaqda, müasir infrastruktur yaradılmaqdadır.

Azərbaycanın sürətlə inkişaf edən gözəl guşələrindən biri də Binəqədi rayonudur. Son illər rayonda görülən abadlıq-quruculuq işlərinin bənzərsizliyi binəqədililər tərəfindən rəğbətlə qarşılanır. Görülən tədbirlər nəticəsində rayon sakinlərinin bir sıra problemi həllini tapıb. Belə ki, rayon ərazisində mərhələli və planlı şəkildə həyata keçirilən abadlıq quruculuq işləri çərçivəsində qəsəbələrarası və məhəllədaxili yollarda, mərkəzi prospektlərdə yaşayış binalarının fasad və dam örtüklərində, park və meydanlarda, həmçinin digər infrastruktur sahələrində yenidənqurma və əsaslı təmir işləri aparılıb. Bu istiqamətdə işlər bu gün də davam etdirilməkdədir.

Təkcə ötən il mikrorayonların ərazisində və abadlaşdırılmış digər ərazilərdə 178 yeni işıq dirəyi quraşdırılıb, müasir tipli 85 oturacaq qoyulub. Bundan əlavə, həyata keçirilən iməciliklər və genişmiqyaslı abadlıq-quruculuq işləri nəticəsində rayonun müxtəlif ərazilərində müxtəlif növ 8939 ağac, 285 min 435 gül, dibçək və kol bitkisi əkilib, 74 min kvadratmetrdən çox yaşıllıq zolağı salınıb.

Məlum olduğu kimi, əhalinin çoxsaylı müraciətləri nəzərə alınaraq rayon ərazisində aparılan abadlıq-quruculuq işləri çərçivəsində mövcud “xeyir-şər evləri”nin əsaslı təmiri, tikintisi yarımçıq qalmış və əsaslı tikintisinə ehtiyacı olan bu qəbildən binaların əhalinin istifadəsinə verilməsi istiqamətində də genişmiqyaslı işlər həyata keçirilib.

“Bakı-2015” ilk Avropa Oyunlarına hazırlıq işləri ilə əlaqədar “Təmiz Binəqədi” layihəsi çərçivəsində rayon ərazisində görülməsi nəzərdə tutulan işlərlə bağlı tədbirlər planına əsasən təbliğat və maarifləndirmə tədbirlərinin təşkili istiqamətində bir sıra addımlar atılıb. Belə ki, “Təmiz Binəqədi” layihəsinin təqdimatından sonra Adil Məmmədov küçəsində yeni istirahət parkının açılışı olub, sakinlər üçün konsert proqramı təşkil edilib. Bundan başqa, layihə ilə əlaqədar sahə və qəsəbə inzibati ərazi idarələri üzrə nümayəndəliklərin, bələdiyyələrin, rayon ərazisində yerləşən bütün idarə, müəssisə və təşkilatların iştirakı ilə iclaslar təşkil olunub, müvafiq izahat verilib.

Layihənin keçirilməsində əsas məqsəd ilk Avropa Oyunlarına hazırlıq dövründə rayonun görkəmini daha da yaxşılaşdırmaq, qəsəbə və mikrorayonlarda, küçə və məhəllələrdə, park və xiyabanlarda aparılan təmizlik və abadlıq işlərini intensiv və mütəşəkkil formada davam etdirmək, bu işlərə rayon ictimaiyyətini cəlb etməkdən ibarətdir.

Rayon icra hakimiyyəti başçısının imzaladığı bu sərəncam və bundan irəli gələn tədbirlər planı Azərbaycanı dünyada tanıdacaq və təbliğ edəcək Avropa Oyunlarında Binəqədi rayonunun və onun icra strukturlarının, habelə ictimai-siyasi təşkilatların və sakinlərin üzərinə düşən öhdəliklərin geniş mənzərəsini yaradır. Bu sərəncamdan əsasında yaradılan komissiya artıq işə başlayıb və müvafiq iş planı tərtib olunub. İş planında novatorluğu və özünəməxsusluğu ilə diqqəti cəlb edən və müasir dünyada qəbul olunan metod və üsullara üstünlük verilib. Belə tədbirlər arasında “Ən təmiz obyekt”, “Ən təmiz uşaq bağçası”, “Ən təmiz fərdi ev”, “Nümunəvi səhiyyə müəssisəsi” və sairə müsabiqələr, məişət tullantılarının çeşidlənməsi, ekoloji mühitin daha da sağlamlaşdırılması işinə töhfə olaraq yanma mexanizmləri nasaz olan bütün növ nəqliyyat vasitələrinin rayon ərazisində hərəkətinin məhdudlaşdırılması, gənclərin fləşmobunun keçirilməsi və s. orijinallığı və aktuallığı ilə diqqəti cəlb edir.

Tədbirlər planına əsasən, görülən işlər barədə əhalini və təsərrüfat subyektlərini məlumatlandırmaqla yanaşı, maraqlı aksiyaların da təşkili gündəmdədir. Layihə çərçivəsində elan olunacaq müsabiqələr və keçiriləcək aksiyalar tədbirin kütləviləşməsində əsaslı rol oynayacaq. “Təmiz Binəqədi” müəyyən müddət üçün deyil, işlərin sistemli və davamlı olaraq davam etdirilməsi məqsədilə reallaşdırılır. Bu mövzuda jurnalistlər arasında yazı müsabiqəsinin təşkili, sosial çarxın hazırlanması, sakinlər arasında aylığın yekunu üzrə rəy sorğusunun keçirilməsi Avropa Oyunları zamanı səliqə-sahmanı təmin edilməsi ilə yanaşı, əldə olunmuş nəticənin sonralar daha da genişləndirilməsinə zəmin yaradır.

Binəqədi Rayon İcra Hakimiyyətinin “Bakı-2015” ilk Avropa Oyunları ərəfəsində elan olunan “Təmiz Binəqədi” layihəsi çərçivəsində keçirilən müsabiqəyə təqdim etmək üçün

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.