DÜNYA


Tereza Mey rəsmən Böyük Britaniyanın Baş Naziri postunu tərk edib

Bakı, 24 iyul, AZƏRTAC

Tereza Mey istefa ərizəsini Kraliça II Elizabetə təqdim etdikdən sonra rəsmən Böyük Britaniyanın Baş Naziri postunu tərk edib. AZƏRTAC BBC telekanalının saytına istinadla xəbər verir ki, onun vəzifəsindən ayrılması Bukingem sarayını ziyarət etdikdən və monarxla görüşdükdən sonra açıqlanıb.

Sabiq Baş Nazir özünün vida nitqlindən sonra dərhal Bukingem sarayına yollanıb və Kraliçanın qəbulunda olub. Birləşmiş Krallıqda vəzifə səlahiyyətlərinin təhvil-təslim prosesi çox qısa müddətdə həyata keçirilir. Bu dövlətdə hökumət təqribən 1 saat ərzində başçı olmadan qalır.

BBC-nin xəbərinə görə, hazırda Mühafizəkarlar partiyasının sədri Boris Conson Kraliça II Elizabetin qəbulundadır və yaxın dəqiqələrdə onun Baş Nazirliyi rəsmən elan ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.