DÜNYA


“Tesla Model 3” sentyabrda Avropada ən çox satılan avtomobil olub

Roma, 26 oktyabr, AZƏRTAC

“Tesla Model 3” sentyabr ayında Avropada ən çox satılan avtomobil olub.

AZƏRTAC xəbər verir ki, beləliklə, ilk dəfə olaraq elektriklə işləyən avtomobil benzin mühərrikli ən populyar avtomobilləri geridə qoyaraq satışlarda birinci olub. “Tesla”nın ən sərfəli modellərindən biri olan “Model 3” “Renault Clio” və “Volkswagen Gold” kimi markaları geridə qoyub.

“Tesla”nın üçüncü rübün sonunda atdığı addımlar “Model 3”ün satışlarının yüksəlişinə təsir edib. “Tesla” sentyabr ayında müştərilərinə 24 min 591 ədəd “Model 3” təqdim edib ki, bu göstərici ötən illə müqayisədə 58 faiz çoxdur.

Qeyd edək ki, İlon Maskın elektrik avtomobili və təmiz enerji şirkəti olan “Tesla”nın cari ilin üçüncü rübü üzrə gəliri 57 faiz artaraq 13,8 milyard dollara çatıb.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.