ELM VƏ TƏHSİL


Təsviri incəsənət müəllimləri üçün seminarlar təşkil olunub

Bakı, 6 dekabr, AZƏRTAC 

Paytaxtdakı ümumtəhsil müəssisələrində çalışan təsviri incəsənət müəllimləri üçün seminarlar keçirilib.

Bakı Şəhəri üzrə Təhsil İdarəsindən AZƏRTAC-a bildirilib ki, Təlimə Dəstək Mərkəzi tərəfindən təşkil olunmuş seminarların əsas məqsədi fənnin tədrisi prosesində müasir təlim texnologiyalarının səmərəli tətbiqi, dərs planlaşdırması və qiymətləndirmədə müxtəlif üsul və vasitələrdən istifadə zamanı müəllimlərin qarşılaşdıqları problemlərin həlli yollarının müəyyənləşdirilməsidir.

Bakının 12 inzibati rayonu üzrə təşkil olunmuş seminarlarda fənnin tədrisi zamanı dərsin düzgün istiqamətdə aparılması, müvafiq təlim forma və üsullarının məqsədəuyğun şəkildə seçilməsinin tədrisin keyfiyyətinə təsiri barədə söhbətlər aparılıb, müvafiq tövsiyələr verilib.

Seminarların sonunda qeyd edilən məsələlərlə bağlı müəllimlərlə fikir mübadiləsi aparılıb, iştirakçıları maraqlandıran suallara aydınlıq gətirilib.

Seminarların tədris ili ərzində davam etdirilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.