DÜNYA


Texas ştatından olan konqresmen qadınlara aborta görə ölüm hökmü çıxarılması barədə qanun layihəsi təqdim edib

Vaşinqton, 12 aprel, AZƏRTAC

Texas ştatının Nümayəndələr Palatasının mühafizəkar üzvü Toni Tinderholt tərəfindən təqdim olunan qanun layihəsi abort etdiklərinə görə qadınlara cəza qismində ölüm hökmünün müəyyən edilməsini nəzərdə tutur.

AZƏRTAC xəbər verir ki, Nümayəndələr Palatasının məhkəmə komitəsinə nəzərdən keçirilməsi üçün göndərilən layihənin müəllifi ştatın hazırda qüvvədə olan Cinayət Məcəlləsindən abortun həyata keçirilməsi zamanı qadınlara və tibb işçilərinə tətbiq edilən qətl haqqında istisnanın ləğv olunmasını xahiş edir. Beləliklə, müəllif Toni Tinderholtun təklifinə uyğun olaraq, abort edən qadınlar və bu tibb prosedurunu həyata keçirən həkimlər ölüm hökmünə məhkum olunmalıdırlar.

Tinderholtun qanun layihəsi Nümayəndələr Palatasında ilk dəfə 2017-ci ildə təqdim edilib. Lakin demokratların böyük səs çoxluğu ilə qəbul edilməyib. Hazırda qanunvericilik orqanının hər iki palatasında respublikaçıların çoxluq təşkil etdiyi bir vaxtda Tinderholt əmindir ki, Respublikaçılar Partiyasından olan həmkarları onu dəstəkləyəcəklər.

 

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.