Texasdakı bəzi neft müəssisələri fəaliyyətini tədricən bərpa edir

Bakı, 19 fevral, AZƏRTAC

Havaların normal vəziyyətə qayıtmasından sonra Texasdakı bəzi neft istehsalı müəssisələri fəaliyyətini bərpa edib.

AZƏRTAC xəbər verir ki, bölgədə neft quyularında yenidən hasilata başlanıb. Texasdakı ən böyük 4 neftayırma zavodunun yenidən işə düşməsinin isə bir neçə həftə çəkəcəyi bildirilib.

Qeyd edək ki, ötən günlərdə ABŞ-da havaların kəskin soyuması neft hasilatına ciddi təsir etmişdi. Belə ki, ABŞ-da xam neft istehsalı 40 faiz, 4 milyon barreldən çox azalmışdı. Qeyri-sabit hava şəraiti Texasda xam neft istehsal edən müəssisələrin fəaliyyətinə də təsir etmişdi. Boru kəmərlərinin operatorları fors-major vəziyyət elan etmişdi.