ELM VƏ TƏHSİL


Texniki Universitetin tələbəsi “Azercell”in təqaüdçüsü adına layiq görülüb

Texniki Universitetin tələbəsi “Azercell”in təqaüdçüsü adına layiq görülüb

Bakı, 28 dekabr, AZƏRTAC

“Azercell Telekom” MMC-nin bu ilin oktyabr ayında elan etdiyi “Tələbə təqaüdü” proqramının nəticələri müəyyən edilib. Mərhələli seçim prosesinin sonunda “Azercell”in təqaüdçüsü adına layiq görülən 25 tələbə arasında Azərbaycan Texniki Universitetinin (AzTU) “SABAH” qruplarının informasiya texnologiyaları ixtisasının üçüncü kurs tələbəsi Aytən Məmmədova da var.

AzTU-dan AZƏRTAC-a bildirilib ki, Aytən Məmmədova ali təhsil müddətinin sonunadək “Azercell” şirkəti tərəfindən 200 manat məbləğində aylıq təqaüd alacaq.

Qeyd edək ki, seçim marketinq, biznes analitikası, data elmi, informasiya texnologiyaları, kibertəhlükəsizlik kimi istiqamətlərin dəyərləndirilməsi üzrə elan edilib. “Tələbə təqaüdü” proqramı yalnız maddi dəstəklə məhdudlaşmır. Təqaüdlə yanaşı, bu gənclər telekommunikasiya sahəsi haqda biliklərini artırmaq, şirkətin korporativ tədbirlərinə dəvət almaq, müxtəlif təlimlərdə iştirak etmək və şirkətdə təcrübə keçmək imkanı əldə edirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.