CƏMİYYƏT


Tibb Universiteti ilə Həkimlər və Təbib Tələbələr İctimai Birliyi arasında anlaşma memorandumu imzalanıb

Bakı, 21 fevral, AZƏRTAC 

Azərbaycan Tibb Universiteti (ATU) beynəlxalq əlaqələrin qurulması, tələbə mobilliyinin həyata keçirilməsi, universitetin beynəlxalq miqyasda daha yaxşı tanıdılması istiqamətində daha bir təşkilatla əməkdaşlığı gücləndirir. Bu məqsədlə Tibb Universiteti ilə Həkimlər və Təbib Tələbələr İctimai Birliyi arasında anlaşma memorandumu imzalanıb.

Universitetin mətbuat xidmətindən AZƏRTAC-a bildiriblər ki, memorandum ATU-nun rektoru, professor Gəray Gəraybəyli, Həkimlər və Təbib Tələbələr İctimai Birliyinin prezidenti Suğra Əzimova tərəfindən imzalanıb. Anlaşma sənədində ATU tələbələrinin beynəlxalq münasibətlərinin gücləndirilməsinə yardım edilməsi ilə yanaşı, xarici ölkələrdən gələn tələbələrin istehsalat təcrübəsini universitet klinikalarında təşkili ilə bağlı məsələlər əhatə olunub.

Qeyd edək ki, Həkimlər və Təbib Tələbələr İctimai Birliyi ilə ATU arasında 10 ildir sıx əməkdaşlıq mövcuddur. Sazişin imzalanması ilə bu əməkdaşlıq daha yeni istiqamətləri əhatə edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.