CƏMİYYƏT


“Tibb işçiləri üçün qeyri-infeksion xəstəliklərin idarəolunması” mövzusunda təlimlər yekunlaşıb

Bakı, 6 dekabr, AZƏRTAC 

Dünya Səhiyyə Təşkilatı (DST), Səhiyyə Nazirliyi və İcbari Tibbi Sığorta üzrə Dövlət Agentliyinin (Agentlik) birgə təşkilatçılığı ilə Sumqayıt şəhərində və Siyəzən rayonunda fəaliyyət göstərən tibb müəssisələrinin 65 həkim və orta tibb heyəti üçün təlimlər bu gün başa çatıb.

İcbari Tibbi Sığorta üzrə Dövlət Agentliyinin marketinq və ictimaiyyətlə əlaqələr departamentindən AZƏRTAC-a verilən məlumata görə, təlimləri Əziz Əliyev adına Azərbaycan Dövlət Həkimləri Təkmilləşdirmə İnstitutu, Azərbaycan Tibb Universiteti və Türkiyə Respublikasından dəvət olunmuş mütəxəssislər keçirib.

Qeyri-infeksion xəstəliklərin idarəolunması mövzusunda dörd gün ərzində keçirilən təlimlərin əsas məqsədi ilkin səhiyyə xidməti çərçivəsində qeyri-infeksion xəstəliklərin diaqnostikası, müalicəsi və profilaktikası, xüsusilə hipertoniya və diabetlə bağlı tibb işçilərinin bilik və təcrübələrinin artırılması olub. Qeyri-infeksion xəstəliklərə nəzarət məqsədilə lazımi tibbi alətlərdən istifadə etmək bacarıqlarının təkmilləşdirilməsi də təlimin əsas vəzifələrindən olub.

İştirakçılar qeyri-infeksion xəstəliklərin ilkin səhiyyə xidməti səviyyəsində idarə olunması üzrə məlumatlandırılıb. DST iştirakçıları stetoskop, tonometr və qlükometrlərlə təmin edib. Təlim DST-nin həyata keçirdiyi ilkin səhiyyə xidmətinin gücləndirilməsi layihəsinin əsas komponentlərindən biridir.

Əhalinin sağlamlığının qorunmasında böyük rol oynayan ilkin səhiyyə xidmətinin gücləndirilməsi səhiyyə xərclərinin səmərəsinin artırılması üçün beynəlxalq təcrübəyə əsaslanan, effektivliyi sübut olunmuş strategiyadır və icbari tibbi sığortanın tətbiqində vacib elementdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.