İQTİSADİYYAT


Ticarət və xidmət obyektlərində monitorinqlər davam edir

Bakı, 7 iyul, AZƏRTAC

İqtisadiyyat Nazirliyinin xüsusi karantin, zəruri sosial davranış qaydaları və sanitar-epidemioloji tələblərə əməl edilməsinə nəzarətin gücləndirilməsi məqsədilə iyulun 6-da monitorinqlər apardığı 528 obyektin 224-də zəruri sosial davranış qaydalarına və sanitar-epidemioloji tələblərə əməl olunmaması hallarına rast gəlinib.

Nazirliyin mətbuat xidmətindən AZƏRTAC-a bildiriblər ki, belə hallar Binəqədi rayonunda “Karvan market”də, “Şah market”də, “Ruslan market”də, “Bolluq market”də, “Oba market”də, “Ekomart”da, Səbail rayonunda “Cənub kənd məhsulları mağazası”nda, “Starmart market”də, “Güloğlu market”də, “Real market”də, “Xəzər market”də, “Qədim təndir restoranı”nda, Nərimanov rayonunda “Araz market”də, “Good food dönər evi”ndə, “Məhəllə market”də, “Oba market”də, “Dəniz market”də, Sabunçu rayonunda “Nərmin market”də, “Xəzər market”də, “Savalan market”də, Xəzər rayonunda “Xəzər inşaat” və “Ev qur qarışıq mallar” mağazalarında, “Mərdəkan market”də, “Abşeron market”də, “Favorit market”də, Xətai rayonunda “Ulduz market”də, “Qardaşlar market”də, “Araz market”də, “Buta Farm” aptekində, Yasamal rayonunda “Esmanur market”də, “Bəyaz market”də, “Dalğa market”də, “Araz market”də, “Bizim market”də, “Təndir və kababçı” ictimai iaşə obyektində, “Zeytun aptek”də, Nizami rayonunda “Nihad telefon mağazası”nda, “Rahat market”də, “Səba ət və süd məhsulları mağazası”nda, “Yeni poliqrafist” xidmət obyektində, “Şaurma 1” ictimai iaşə obyektində, “Dokta aptek” və “Zeytun aptek”də, Nəsimi rayonunda “1001 xırdavat” mağazasında, “A market”də, Suraxanı rayonunda “Suraxanı market”də, “Ceyhun market”də, Qaradağ rayonunda “Hədiyyə mağazası”nda, Gəncə şəhərində “Oboy evi” mağazasında, “Lombart "MEQO" MMC-də, Lənkəran rayonunda “Moskva market”də, Namiq Allahverənova məxsus “Ərzaq dükanı”nda, Elgün Rəcəbova məxsus “İnşaat malları mağazası”nda, Füzuli rayonunda “Aytac market” və “Bizim market”də, Bərdə rayonunda “Şahin oğlu market”də, “Market 09”da, “Samux market”də, “Aptek Məftun”da, “Aptek Təbib”də və “Şəfa Aptek”də, Şamaxı rayonunda “Ocaq market”də, Sahib Yusifova məxsus ət dükanında, Elşad Kərimova məxsus “Yem dükanı”nda, İmran Osmanova məxsus “Paltar mağazası”nda, Zaqatala rayonunda “Orbita market”də aşkarlanıb.

İqtisadiyyat Nazirliyinin əməkdaşları nəzarət tədbirləri zamanı xidmət personalının və istehlakçıların qoruyucu vasitələrdən istifadəsinin, sosial məsafənin gözlənilməsinin, marketlərə istehlakçıların məhdudiyyətli girişinin, ticarət obyektinin dezinfeksiyaedici vasitələrlə təmin olunmasının zəruriliyi bir daha sahibkarların diqqətinə çatdırıblar və tələblərin pozulması hallarına yol veriləcəyi halda ciddi tədbirlərin görüləcəyi barədə məlumatlandırıblar.

Xatırladaq ki, Azərbaycan Respublikası Prezidentinin 2020-ci il 3 iyul tarixli Fərmanı ilə İqtisadiyyat Nazirliyi yanında Dövlət Vergi Xidmətinin Əsasnaməsinə dəyişiklik edilərək, sahibkarlıq fəaliyyəti subyektləri və onların vəzifəli şəxsləri tərəfindən epidemiya əleyhinə rejimin, sanitariya-gigiyena və karantin rejimlərinin tələblərinə əməl edilməsinə nəzarəti həyata keçirmək kimi əlavə səlahiyyətlər verilib.

İyunun 4-6-da 830-dək təsərrüfat subyektində aparılmış monitorinqlər zamanı bu obyektlərin 230-da epidemiya əleyhinə rejimin, sanitariya-gigiyena tələblərinin pozulduğu müəyyən edilib və nöqsana yol vermiş vergi ödəyiciləri barədə İnzibati Xətalar Məcəlləsinin 211.1-ci və 211.2-ci maddələri ilə protokollar tərtib olunub.

Qeyd edək ki, mayın 22-dən iyulun 7-dək monitorinq aparılmış 11 min 819 sahibkarlıq subyektindən 5560-da zəruri sosial davranış qaydaları və sanitar-epidemioloji tələblərin pozulması halları aşkarlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.