İQTİSADİYYAT


Tikinti obyektlərinin inşası və istismarına icazələrin verilməsi məsələləri müzakirə olunub

Bakı, 23 fevral, AZƏRTAC

İqtisadi İslahatların Təhlili və Kommunikasiya Mərkəzi (İİTKM) Dövlət Şəhərsalma və Arxitektura Komitəsi ilə birgə aparıcı hüquq və konsaltinq şirkətlərinin nümayəndələri ilə onlayn görüş keçirib.

İİTKM-dən AZƏRTAC-a bildirilib ki, “Tikinti obyektlərinin tikintisi və istismarına icazələrin verilməsi sahəsində aparılan islahatlar” adlı vebinarda 14 hüquq və konsaltinq şirkətinin 24 nümayəndəsi iştirak edib.

Tikintiyə icazələrin verilməsi işçi qrupunun rəhbəri, Dövlət Şəhərsalma və Arxitektura Komitəsinin sədr müavini Dövlətxan Dövlətxanov tikinti obyektlərinin tikintisi və istismarına icazələrin verilməsi üzrə qanunvericilik sahəsində aparılan islahatlar barədə məlumat verib. Tikinti və istismara icazə prosesini asanlaşdıran “Bir pəncərə” sisteminin funksionallığı haqda məlumat təqdim olunub.

Vebinarda “Doing Business” hesabatında qanunvericiliklə bağlı yer alan məqamlara dair iştirakçılara məlumat verilib. Həmçinin “Tikinti və istismara icazələrin verilməsi ilə bağlı hüquqi problemlər və qanunvericilik sahəsində təkmilləşdirmə imkanları” mövzusunda suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.