İDMAN


“Tokio-2020”nin Təşkilat Komitəsinin yeni rəhbərinin seçilməsi üçün xüsusi şuranın ilk iclası keçiriləcək

Bakı, 16 fevral, AZƏRTAC

Yoşiro Morinin istefasından sonra Tokio Yay Olimpiya Oyunlarının Təşkilat Komitəsinin yeni rəhbərinin seçilməsi üçün xüsusi şuranın bu gün ilk iclası keçiriləcək.

AZƏRTAC xəbər verir ki, bu barədə Kyodo agentliyi məlumat yayıb. Kişilər və qadınların bərabər sayda təmsil olunduğu şura əsasən, idmançılar olan səkkiz nəfərdən ibarətdir. Agentliyin qeyd etdiyi kimi, əsas namizədlərdən biri Yaponiya Olimpiya və Paralimpiya məsələləri naziri xanım Seyko Haşimotodur.

Xatırladaq ki, ötən həftə yarışlara hazırlıqla bağlı təşkil edilən iclasların birində Y.Mori belə müzakirələrdə qadınların həddindən artıq çox danışdığını və nəticədə bunun böyük vaxt itkisinə səbəb olduğunu bildirib. Onun bu fikri həm ölkə daxilində, həm də xaricdə çox böyük tənqidə səbəb olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.