DÜNYA


Tokioda 2020-ci ildə keçiriləcək Yay Olimpiya Oyunlarının cədvəli təsdiq olunub

Tokio, 19 iyul, AZƏRTAC

Tokioda 2020-ci ildə keçiriləcək Yay Olimpiya Oyunlarının cədvəli təsdiq olunub.

AZƏRTAC oyunların rəsmi saytına istinadla xəbər verir ki, proqrama 33 idman növü üzrə 339 yarış daxil edilib.

İlk yarışlar iyulun 22-23-də keçiriləcək. İyulun 24-də rəsmi açılış mərasimi planlaşdırılır və növbəti gün ilk medallar uğrunda yarışlar baş tutacaq. Avqustun 9-da yarışların bağlanış mərasimi keçiriləcək.

Qeyd edilir ki, beysbol və softbol üzrə turnirlər zamanı oyunların cədvəli dəyişdirilə və ya ona əlavələr edilə bilər. Futbol üzrə oyunların cədvəli isə FIFA tərəfindən cari ilin oktyabrında təsdiq ediləcək.

BOK-un 2016-cı ilin yayında keçirilən sessiyası zamanı 2020-ci il Olimpiadasının proqramına beş yeni idman növünün daxil edilməsi barədə qərar qəbul olunub. Buraya beysbol/softbol, karate, serfinq, dağa dırmanma və skeytbordinq idman növləri daxildir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.