REGİONLAR


Torpaq uğrunda ölən varsa, Vətəndir!

Naxçıvan, 28 oktyabr, AZƏRTAC

Naxçıvan Dövlət Universitetinin Memarlıq və mühəndislik fakültəsində “Torpaq uğrunda ölən varsa, Vətəndir!” mövzusunda tədbir keçirilib.

Universitetin Televiziya, mətbuat və ictimaiyyətlə əlaqələr bölməsindən AZƏRTAC-ın Naxçıvan bürosuna bildirilib ki, əvvəlcə şəhidlərin xatirəsi bir dəqiqəlik sükutla yad edilib.

Tədbirdə çıxış edən universitetin Tədris və tərbiyə işləri üzrə prorektoru Rafiq Rəhimov vətənpərvərlik mövzusunda keçirilən tədbirlərin əhəmiyyətindən bəhs edib. Diqqətə çatdırılıb ki, Prezidentimiz, Müzəffər Ali Baş Komandanımız həyata keçirdiyi uğurlu siyasət, xalqımızın verdiyi dəstək, ordumuzun gücü sayəsində Azərbaycanın hərbi zəfərlərlə zəngin şanlı tarixi yazılır. Son bir ay ərzində ordumuzun apardığı əks-hücum əməliyyatı bir daha onu göstərdi ki, Silahlı Qüvvələrimiz Cənubi Qafqazın ən güclü ordusudur. Azərbaycan özünün hərbi gücündən haqqın və ədalətin bərpa olunması üçün istifadə edir. Ordumuzun qarşısında duruş gətirə bilməyən Ermənistan hərbi birləşmələri isə cəbhə xəttindən uzaqda yerləşən şəhərlərimizə, kəndlərimizə raket zərbəsi endirməklə insanlığa qarşı cinayət işləyir. Bu, erməni vəhşiliyinin növbəti təzahürüdür.

Universitetin Memarlıq kafedrasının müdiri, memarlıq üzrə fəlsəfə doktoru, dosent Gülnarə Qənbərova çıxışında Vətənimizin bütövlüyü və Azərbaycanın müstəqilliyi uğrunda canından keçmiş şəhidlərin əziz xatirəsinin daim hörmət və ehtiramla anıldığını bildirib, şəhidlərimizin keçdiyi şərəfli yolu öyrənməyin və təbliğ etməyin vacibliyini diqqətə çatdırıb.

Sonra tələbə və şagirdlərin vətənpərvərlik mövzusunda hazırladıqları musiqi nömrələri səsləndirilib, bədii qiraət dinlənilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.