İQTİSADİYYAT


Torpaqların elektron kadastr uçot bazasının yaradılması ilə bağlı təlim keçirilib

Bakı, 2 iyun, AZƏRTAC

İqtisadiyyat Nazirliyi yanında Əmlak Məsələləri Dövlət Xidmətinin əməkdaşları üçün türkiyəli mütəxəssislər tərəfindən torpaqların elektron kadastr uçot bazasının yaradılması ilə bağlı onlayn formada təlim keçirilib.

Xidmətdən AZƏRTAC-a bildirilib ki, məqsəd bu sahədə əməkdaşların peşəkarlıq səviyyəsinin yüksəldilməsi, kadr potensialının artırılması, beynəlxalq təcrübənin öyrənilməsidir.

Təlimdə məlumatların toplanma qaydaları, elektron bazanın yaradılması forması, elektron bazalara texniki olaraq nəzarət edilməsi və texniki qüsurların aradan qaldırılması prosesləri, arxiv məlumatlarının elektron bazaya köçürülməsi məsələlərinə dair izahatlar verilib. İştirakçılara, həmçinin elektron bazanın idarə olunması, pay torpaqları, yaşayış məntəqələri, bələdiyyə və dövlət torpaqları və onların daxilindəki tikili, köməkçi, mülkiyyətçi, istifadəçi kimi informasiyanın standart şəkildə elektron formaya gətirilməsi prosesləri haqqında ətraflı məlumat verilib.

Dövlət Xidməti tərəfindən beynəlxalq təcrübənin öyrənilməsi və onun tətbiqi istiqamətində işlər davam etdiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.