ELM VƏ TƏHSİL


Torpaqşünaslıq və Aqrokimya İnstitutu SOCAR-ın Ekologiya idarəsi ilə əməkdaşlıq edəcək

Bakı, 3 oktyabr, AZƏRTAC

SOCAR-ın Ekologiya idarəsinin rəisi Azər Əliyevin rəhbərliyi altında şirkətin bir qrup əməkdaşı Azərbaycan Milli Elmlər Akademiyasının (AMEA) Torpaqşünaslıq və Aqrokimya İnstitutunda olublar.

İnstitutdan AZƏRTAC-a bildiriblər ki, direktor, AMEA-nın müxbir üzvü Əlövsət Quliyevin təşəbbüsü ilə keçirilən görüşdə Abşeron yarımadasında neftlə çirklənmiş ərazilərin rekultivasiyası üçün müxtəlif üsullardan istifadə etməklə istər sənaye, istərsə də kənd təsərrüfatı üçün torpaqları yararlı hala salmaq, onun münbitliyini bərpa etmək məsələləri müzakirə edilib.

Torpaqların rekultivasiyası laboratoriyasının müdiri, dosent Fərhad Sadıqov, SOCAR-ın texniki istehsalat şöbəsinin rəisi Rüstəm Rüstəmzadə, Ekologiya idarəsinin baş mühəndisi Yaqub Ağasıyev və digər çıxış edənlər qarşılıqlı əməkdaşlığın vacibliyini vurğulayıblar.

Görüşdə iki müəssisə arasında əməkdaşlığa dair müqavilə bağlanması barədə razılıq əldə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.