İDMAN


“Tottenhem” klubu yarımmüdafiəçisi ilə müqaviləni yeniləyib

Bakı, 30 oktyabr, AZƏRTAC

İngiltərənin “Tottenhem” futbol klubu yarımmüdafiəçi Dele Alli ilə müqaviləni yeniləyib.

AZƏRTAC kluba istinadla xəbər verir ki, 22 yaşlı futbolçu ilə yeni müqavilə 2024-cü ilədək nəzərdə tutulub.

Alli “Tottenhem”ə 2015-ci ildə 6,63 milyon avro müqabilində “Milton-Kins Dons” klubundan keçib. Yarımmüdafiəçi Hotspur təmsilçisinin heyətində 153 oyuna çıxıb və 48 qol vurub.

Yayda Alli İngiltərə millisinin heyətində Rusiyada təşkil olunan dünya çempionatında dördüncü olub. Mundialda 4 oyuna çıxan futbolçu 1 qol vurub. Ümumilikdə İngiltərə yığmasında 31 oyun keçirən futbolçu 3 dəfə fərqlənib.

Qeyd edək ki, “Tottenhem” İngiltərə Premyer Liqasında 10 turdan sonra beşinci pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.