REGİONLAR
Tovuzda baş verən yanğında iki nəfər ölüb VİDEO
Tovuz, 25 iyul, Ruslan Novruzoğlu, AZƏRTAC
Tovuzun İbrahim Hacılı kəndində yanğın baş verib.
AZƏRTAC xəbər verir ki, yanğın nəticəsində yardımçı tikilidə köməksiz vəziyyətdə qalan iki yaşlı qadın yanaraq ölüb. Kənd sakini 68 yaşlı Yaqut Quliyevaya məxsus ümumi sahəsi 144 m² olan birmərtəbəli evin yanar konstruksiyaları və yaxınlıqda ümumi sahəsi 115 m² olan köməkçi tikilinin yanar konstruksiyaları 25 m² sahədə yanıb.
Yanğın yerinin kəşfiyyatı zamanı ev sahibi, 68 yaşlı Yaqut Quliyeva və onun qonşusu Həqiqət Cabbarovanın meyiti yanğınsöndürənlər tərəfindən aşkar edilərək aidiyyəti üzrə təhvil verilib. Köməkçi tikili və ev yanar konstruksiya və əşyaları ilə birlikdə tamamilə yanıb. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.