İDMAN


Tovuzda kross qaçışı üzrə Azərbaycan çempionatının qalibləri müəyyənləşib

Bakı, 15 sentyabr, AZƏRTAC

Tovuz Olimpiya İdman Kompleksində kross qaçışı üzrə Azərbaycan çempionatına yekun vurulub.

AZƏRTAC xəbər verir ki, çempionatda 75 atlet 8 məsafə üzrə mübarizə aparıb.

Qadınların yarışında 1 kilometr məsafəyə qaçışda Aksana Cəlilova birinci olub. Bahar Mustafayeva 2, Günel Manafova 4, Anna Yusupova isə 6 kilometr məsafəyə qaçışda qızıl medal qazanıblar.

Kişilərin mübarizəsində Elgün Vəliyeva 2, Mahmud Mehdiyev 3, Vahid Kərimov 6, Elman Abışov isə 10 kilometr məsafəyə qaçışda fəxri kürsünün ən yüksək pilləsinə qalxıblar.

Komanda hesabında Bakı atletləri birinci pillədə qərarlaşıblar. Gəncə komandası yarışı ikinci, Tovuz isə üçüncü pillədə başa vurublar.

Gənclər və İdman Nazirliyi və Azərbaycan Atletika Federasiyasının birgə təşkilatçılığı ilə keçirilən yarışda Bakı, Gəncə, Xızı, Naxçıvan, Bərdə, Xocalı və İsmayıllı komandalarından olan idmançılar təmsil olunublar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.