DÜNYA


“Toyota” Yaponiya imperatoru üçün avtomobil hazırlayıb

Bakı, 24 sentyabr, AZƏRTAC

Bu il oktyabrın 22-də Tokioda Yaponiyanın yeni imperatoru – Naruhitonun tacqoyma mərasimi təşkil olunacaq. “Toyota” şirkəti xüsusi olaraq bu mərasim üçün eksklüziv kabriolet yaradıb.

AZƏRTAC “Drayv” saytına istinadla xəbər verir ki, avtomobil markanın ən bahalı modelinin – “Toyota Century” sedanının bazası əsasında hazırlanıb. Sedan kimi bu avtomobil də dörd qapılıdır, bu səbəbdən də kuzovu aşağı hissədə, həmçinin ön və arxa dayaqlarda qismən möhkəmləndirilib.

İmperator kabrioletinin kuzovu qara lakla rənglənib, salona açıq krem rəngdə dəri çəkilib. Arxa qapılar və bamperlər Yaponiya monarxiyasının ənənəvi simvolu olan qızıl xrizantem təsvirləri ilə bəzədilib.

Kabriolet texniki cəhətdən tamamilə adi “Toyota Century” modelini təkrarlayıb. Avtomobil elektrik mühərriki və nikel-hibrid batareyaları ilə birgə işləyən “V8 Toyota 2UR-FSE” 5 litrlik yanacaq mühərriki əsasında benzohibrid güc qurğusu ilə təchiz edilib. Aqreqatın yekun gücü 431 at gücünə bərabərdir.

Avtomobilin beş kilometrə yaxın benefisi təqribən yarım saat çəkəcək, rəsmi tədbirlərdən sərbəst olduğu müddətdə isə Tokio və Kioto saraylarında sərgilənəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.