DÜNYA


“Toyota” şirkəti gələcəyin şəhərini inşa edəcək

Tokio, 3 noyabr, AZERTAC

Yaponiyanın avtomobil istehsalı sahəsində tanınmış “Toyota” şirkəti ölkənin mərkəzi hissəsində gələcəyin şəhərini inşa etməyi planlaşdırır. Bu şəhərdə əsas diqqət avtomobillərə və muxtar idarəetməyə yönələcək.

AZƏRTAC NHK telekanalına istinadla xəbər verir ki, şəhərdə inşa ediləcək binalar və kommersiya obyektləri internetə çıxışı olan avtomobillərlə əlaqəli olacaq. Belə “qoşulu avtomobillər” vasitəsilə insanlar onlara məxsus elektrik məişət avadanlığını məsafədən idarə edə biləcəklər.

“Toyota” şirkəti, həmçinin bu şəhərdə muxtar idarəetməyə malik avtomobillərin istənilən hava şəraitində hərəkətinə imkan yaradan yolların tikintisini də planlaşdırır. Bununla yanaşı, avtomobillərdən birgə istifadə və nəqliyyat vasitəsilə çatdırılma xidmətləri də təklif olunacaq.

Həmin şəhərin “Toyota” şirkətinə məxsus, 260 min kvadratmetr əraziyə malik zavodun yerində inşa edilməsi nəzərdə tutulur.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.