DÜNYA


Tramp yenidən prezident seçiləcəyi təqdirdə KXDR və İranla saziş imzalayacağını bildirib

Bakı, 8 avqust, AZƏRTAC

ABŞ Prezidenti Donald Tramp ali dövlət postuna ikinci müddətə seçiləcəyi təqdirdə tez bir zamanda İran və Şimali Koreya ilə sazişə nail ola bilər.

AZƏRTAC bu barədə ABŞ telekanallarına istinadla xəbər verir.

“Əgər seçkilərdə qələbə qazansaq, İran və Şimali Koreya ilə tez bir zamanda sazişə nail ola bilərik”, - deyə ABŞ Prezidenti jurnalistlər üçün təşkil olunan brifinqdə bildirib. Donald Trampın sözlərinə görə, əgər o, 2016-cı ildə prezident seçilməsəydi, ABŞ artıq Şimali Koreya ilə müharibə edirdi. Lakin o, KXDR-lə münasibətlər qura bildiyi üçün bu baş vermədi.

Prezidentin fikrincə, Tehran Vaşinqtonla saziş imzalamaqda çox maraqlıdır. Lakin onlar sazişə Co Baydenlə daha asan nail ola biləcəklərini düşünərək seçkilərin nəticələrini gözləyirlər.

Qeyd edək ki, ABŞ-da 59-cu prezident seçkiləri noyabrın 3-nə planlaşdırılır. Bu seçkilərdə ali dövlət postuna demokratların namizədinin sabiq vitse-prezidenti Cozef Bayden, respublikaçıların namizədinin isə Donald Tramp olacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.