DÜNYA


Trans-Sakit okean Tərəfdaşlığı üzrə razılaşma qüvvəyə minib

Tokio, 30 dekabr, AZƏRTAC 

Yaponiya ilə yanaşı, daha 11 ölkənin iştirakçısı olduğu azad ticarət barəsində Trans-Sakit okean Tərəfdaşlığı (TPP) üzrə razılaşma qüvvəyə minib.

AZƏRTAC NHK telekanalına istinadla xəbər verir ki, razılaşma dekabrın 30-da 11 ölkənin əksəriyyəti tərəfindən ratifikasiya edilib.

Razılaşmanın qüvvəyə minməsi dünya Ümumi Daxili Məhsulunun 13 faizini və 500 milyon əhaliyə malik bazarı əhatə edən nəhəng azad iqtisadi zonanın yaranması deməkdir.

TPP çox böyük sahədə investisiyalara münasibətdə qaydaların və xidmətin standartlaşmasını nəzərdə tutur. Buraya, eyni zamanda, kənd təsərrüfatı və sənaye məhsullarına tətbiq olunan tariflərin tədricən ləğvi də daxildir.

Yaponiya hökuməti bu ticari razılaşmaya ABŞ-ın proteksionist siyasəti fonunda dünya üzrə azad və ədalətli qaydaların tətbiqinin genişlənməsi istiqamətində mühüm addım kimi baxır. Eyni zamanda, TPP üzvlərinin sayının artmasını da planlaşdırır. Bu məqsədlə Yaponiya hökuməti yanvarın 19-da Tokioda keçiriləcək nazirlər görüşü səviyyəsində konkret danışıqların aparılacağına ümid edir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.