DÜNYA


Tunis sahillərində miqrantları daşıyan qayığın batması nəticəsində 3 nəfər ölüb

Qahirə, 21 may, AZƏRTAC

Tunis sahillərində Avropaya yollanan qanunsuz miqrantları daşıyan qayığın batması nəticəsində 3 nəfər ölüb.

AZƏRTAC xəbər verir ki, miqrantların cəsədlərini sahilə çıxaran Tunisin Sahil Təhlükəsizlik Xidmətinin rəsmisi daha 10 nəfərin itkin düşdüyünü bildirib. O əlavə edib ki, ölkənin Sfax bölgəsinə yaxın limandan İtaliyaya yollanan qayıqda 44 qanunsuz miqrant olub və onların 31-nin həyatı xilas edilib. Ötən şənbə günü də Liviya sahillərindən Avropaya yollanan qayıqda batan 80 miqrant xilas edilib.

Tunis və Liviya afrikalı qanunsuz miqrantların Avropaya yollandığı əsas ölkələrdir. BMT-nin məlumatına görə, ötən il quraqlıq, aclıq və səfalətdən qurtulmaq istəyən 2 minə yaxın insan Aralıq dənizində batan qayıqlarda həyatını itirib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.