Tunisdə qılıncoynatmanın sablya növü üzrə qadınların dünya kubokunda şəxsi yarışda mübarizəyə yekun vurulub

Bakı, 8 may, AZƏRTAC

Tunisin Hammamet şəhərində qılıncoynatmanın sablya növü üzrə qadınların dünya kubokunda şəxsi yarışda mübarizəsinə yekun vurulub.

Azərbaycan Qılıncoynatma Federasiyasının mətbuat xidmətindən AZƏRTAC-a bildiriblər ki, əsas mərhələdə çıxış edən qadın sablyaçılarımızdan Sevil Bünyatova ABŞ idmançısı Maqda Skarbonkieviczə 15:12 hesabı ilə qalib gələrək 32-liyə yüksəlib. Bu mərhələdə yunan Teodora Gkountoura ilə qarşılaşan Sevil rəqibinə 12:15 hesabı ilə uduzub.

Təsnifatdan əsas mərhələyə yüksələn Polina Kaspiaroviç alman Julika Funkeyə 13:15 hesabı ilə məğlub olub.

Turnirin reytinq favoritlərindən sayılan Anna Başta əsas mərhələdə keçirdiyi ilk görüşdə fransalı Sirielle Girardinə 12:15 hesabı ilə uduzub.