İDMAN


Turan Əliyev Avropa birinciliyində 3 medal qazanıb

Bakı, 12 avqust, AZƏRTAC

Polşanın Raşin şəhərində 15 və 17 yaşlı yeniyetmələr arasında ağır atletika üzrə Avropa birinciliyi davam edir.

Azərbaycan Ağır Atletika Federasiyasının mətbuat xidmətindən AZƏRTAC-a bildiriblər ki, komandamızdan ilk olaraq körpücük üzərinə Turan Əliyev çıxıb. O, yaşı 15-ə qədər olan atletlər arasında 61 kiloqram çəki dərəcəsində mübarizə aparıb.

İdmançımız birdən qaldırma hərəkətində 99 kiloqramı ram edərək bu hərəkətdə Avropa birinciliyinin gümüş medalına sahib çıxıb.

O, təkanla qaldırmada 120 kiloqramın öhdəsindən gəlib və bu hərəkətdə birinciliyin bürünc medalını əldə edib.

Turan Əliyev toplam 219 kiloqram (99+120) nəticə ilə yarışın yekun sıralamasında da bürünc medal qazanıb.

Yarışda 36 ölkədən 331 nəfər (160 qız + 171 oğlan) atlet iştirak edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.