“Turanbank”ın aktivləri 291 milyon manatı ötüb

Bakı, 23 noyabr, AZƏRTAC

“TuranBank”ın aktivləri ötən ilin müvafiq dövrü ilə müqayisədə 22,9 faiz artaraq noyabrın 1-nə 291,5 milyon manat təşkil edib.

Bankdan AZƏRTAC-a bildiriblər ki, bu dövrdə maliyyə qurumunun kredit portfeli 219,1 milyon manata, depozit portfelinin strukturunda fiziki şəxslərin müddətli əmanətlərinin həcmi 68,4 milyon manata, nizamnamə kapitalı 47 milyon manata, məcmu kapitalı 55,7 milyon manata çatıb. Həmçinin bankın müştəri hesabları və depozit portfeli 135,8 milyon manat, gəlirləri 27,253 milyon manat, xərcləri 20,988 milyon manat, balans mənfəəti isə 6,265 milyon manat olub.