ELM VƏ TƏHSİL


Turizm Universitetinin tələbələri Misirdə bir semestrlik istehsalat təcrübəsi keçə bilərlər

Bakı, 18 mart, AZƏRTAC

Azərbaycan Turizm və Menecment Universitetinin (ATMU) bir qrup tələbə və əməkdaşı Misir Ərəb Respublikasının Azərbaycandakı səfirliyinin Mədəniyyət və Təhsil Əlaqələri Mərkəzində tanışlıq turunda olub.

Universitetdən AZƏRTAC-a bildirilib ki, Mərkəzin müdiri Əhməd Sami Elaydi tələbələrə Misirin zəngin mədəniyyəti və tarixi haqqında ətraflı məlumat verib. Əhməd Sami Elaydi tur iştirakçılarına Azərbaycan-Misir dostluq əlaqələrinin, o cümlədən icra olunan və gələcəkdə həyata keçiriləcək birgə layihələrin hər iki ölkə üçün əhəmiyyətli olduğunu deyib.

Maraqlı müzakirə şəraitində keçən görüşdə ərəb dili ilə maraqlanan tələbələr üçün ödənişsiz kursların təşkil olunması, kitabxananın qiymətli resurslarından istifadə imkanları, Misirin müxtəlif kurort şəhərlərində bir semestrlik istehsalat təcrübəsinin, o cümlədən birgə layihələrin təşkili və icra olunması məsələlərinə münasibət bildirilib. Tələbələrin Azərbaycan və Misir arasındakı əlaqələri ilə bağlı sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.