ELM VƏ TƏHSİL


Turizm və Menecment Universitetində Ümumdünya Mülki Müdafiə Günü ilə bağlı onlayn tədbir

Bakı, 1 mart, AZƏRTAC

Martın 1-də Azərbaycan Turizm və Menecment Universitetində (ATMU) Ümumdünya Mülki Müdafiə Gününə həsr olunan onlayn tədbir keçirilib.

Bu barədə AZƏRTAC-a universitetdən məlumat verilib. Bildirilib ki, tədbirdə ATMU-nun mülki müdafiə qərargahının rəisi, elm və inkişaf məsələləri üzrə prorektor, professor İranə Əliyeva mülkü müdafiənin həyat üçün əhəmiyyətindən danışıb. Qeyd edib ki, 1 mart - Ümumdünya Mülki Müdafiə Günü ilə bağlı hər il dünyanın əksər ölkələrində tədbirlər keçirilir, insanlar bu istiqamətdə maarifləndirilirlər. Azərbaycan 1993-ci ildən Ümumdünya Mülki Müdafiə Təşkilatına üzvdür və dövlət olaraq vətəndaşlarının təhlükəsizliyini hər zaman diqqətdə saxlayır. Həmçinin ATMU-da da təhlükəsizlik tədbirlərinə dair tədbirlər keçirilir.

Çıxış edənlər son illər dünyada texnogen, ekoloji hadisələrin və təbii fəlakətlərin ildən-ilə çoxaldığını söyləyib, fövqəladə hallar zamanı təhlükəsizlik tədbirlərinə riayət olunmasının vacibliyini vurğulayıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.