DÜNYA


Turizm vergisi “Eurovision-2018” müsabiqəsinin maliyyələşdirilməsinə yönəldiləcək

Bakı, 17 avqust, AZƏRTAC 

Lissabon şəhərinin meri paytaxtda turistlərdən tutulan verginin “Eurovision-2018” mahnı müsabiqəsinin maliyyələşdirilməsi məqsədilə xərclənəcəyi barədə xəbəri təsdiqləyib.

AZƏRTAC xəbər verir ki, Portuqaliya paytaxtının başçısı Fernando Madina “The Portugal News” nəşrinə müsahibəsində deyib ki, şəhərdə yaşayan hər qonaqdan tutulan 1 avro həcmində vergi mahnı müsabiqəsinin təşkil edilməsi üçün vəsaitlərin toplandığı hesaba daxil olacaq. Onun sözlərinə görə, son altı il ərzində Portuqaliyaya gələn əcnəbilərin sayı durmadan artmaqdadır.

Qiymətləndirmələrə əsasən, gələn il və sonrakı illərdə ölkəyə daha çox qonaqlar gələcək, ona görə də hökumət dairələri əmindir ki, turistlərdən tutulan vergi hesabına “Eurovision-2018” mahnı müsabiqəsini maliyyələşdirmək mümkün olacaq.

Turizm vergisi Portuqaliyada keçən ildən tətbiq olunur.

Xatırladaq ki, 2016-cı ildə yalnız turizmdən ölkə xəzinəsinə 13,5 milyon avro vəsait daxil olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.