“Türk Hava Yolları” Azərbaycanın Lənkəran şəhərinə aviareys açacaqdır

Bakı, 10 dekabr (AZƏRTAC). “Türk Hava Yolları” aviaşirkəti Azərbaycanın Lənkəran şəhərinə aviareys açacaqdır.

AZƏRTAC Türkiyə mətbuatına istinadla xəbər verir ki, bu barədə qərar şirkətin idarə heyəti tərəfindən qəbul olunmuşdur. Bundan başqa, şirkət tərəfindən Malayziyanın paytaxtı Kuala-Lumpur, Çadın paytaxtı Ndjamena, Nepalın paytaxtı Katmandu, Əfqanıstanın Məzari-Şərif, Cənubi Sudanın Juba, Almaniyanın Friedrixşafen şəhərlərinə təyyarə relsləri açılacaqdır.