İQTİSADİYYAT


Türk Şurasının enerji nazirlərinin toplantısı keçiriləcək

Bakı, 19 fevral, AZƏRTAC

Fevralın 24-də Türk Şurasına üzv və müşahidəçi ölkələrin enerji nazirlərinin onlayn formatda ilk toplantısı keçiriləcək.

AZƏRTAC Türk Şurasına istinadla xəbər verir ki, iclasda Azərbaycanın energetika naziri Pərviz Şahbazov və Türk Şurasının Baş katibi Bağdad Amreyev açılış nitqi ilə çıxış edəcəklər.

İclasda Türk Şurasına üzv və müşahidəçi dövlətlərin enerji nazirlərinin çıxışları olacaq. Nazirlər üzv və müşahidəçi dövlətlər arasında enerji sahəsində çoxtərəfli əməkdaşlığın mövcud vəziyyətini müzakirə edəcəklər. Həmçinin bölgənin inkişafı, eləcə də enerji əlaqələrinin yaxşılaşdırılması sahəsində əməkdaşlıq imkanları barədə fikir mübadiləsi aparılacaq.

Nazirlər bərpaolunan enerji mənbələrinin inkişafı üçün investisiya mühitinin təmin edilməsi, enerji səmərəliliyi və qabaqcıl enerji texnologiyaları barədə ən yaxşı təcrübələrin və məlumatların paylaşılması, üzv dövlətlərdə istehsal olunan neft-kimya məhsulları üçün xarici satış kanallarının yaradılması, qazla və elektriklə çalışan nəqliyyat vasitələri kimi ekoloji cəhətdən təmiz ictimai nəqliyyatın inkişafı ilə bağlı təcrübə mübadiləsi, üzv dövlətlər arasında neft mühəndisliyi sahəsində birgə müəssisənin yaradılması kimi məsələləri müzakirə edəcəklər.

Türk Şurası Enerji İşçi Qrupunun ilk toplantısı isə fevralın 23-də onlayn formatda keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.